Аб правядзені раённага этапу рэспубліканскай выставы- конкурсу дэкаратыўна- прыкладной творчасці “Саматканы цуд”

Аб правядзені раённага этапу рэспубліканскай выставы- конкурсу дэкаратыўна- прыкладной творчасці “Саматканы цуд”

У адпаведнасці з загадам Галоўнага ўпраўлення адукацыі Гомельскага выканаўчага камітэту ад 09.10.2024 №690, з мэтай патрыятычнага і духоўна-маральнага выхавання навучэнцаў праз іх далучэнне да каштоўнасцей беларускай культурнай спадчыны, прыцягнення ўвагі дзяцей і творчай моладзі праз сродкі візуальнага мастацтва да народных мастацкіх рамёстваў, традыцыйнага і сучаснага мастацкага тэкстылю, развіцця дз цячай творчасці ў галіне дэкаратыўна- прыкладнога мастацтва

ЗАГАДВАЮ:

1. Правесці ў кастрычніку – снежні 2024 года раённы этап рэспубліканскай выставы-конкурсу дэкаратыўна-прыкладной творчасці “Саматканы цуд” (далей - Конкурс).
2. Зацвердзіць:
   1.  Палажэнне аб правядзенні Конкурсу.

Дадатак 1 на 5 л.

1. 1. Склад аргкамітэта Конкурсу.

 Дадатак 2 на 1 л.

1. Ускласці адказнасць за:
   1. якаснае правядзенне адборачных этапаў, суправаджэнне работ на раённы этап Конкурсу на кіраўнікоў устаноў адукацыі;
   2. арганізацыю і правядзенне раённага этапу Конкурсу на дзяржаўную ўстанову адукацыі “Лельчыцкі раённы цэнтр творчасці дзяцей і моладзі” (Лісіцкая А.М.).
2. Кіраўнікам устаноў адукацыі забяспечыць:
   1. удзел навучэнцаў у Конкурсе згодна з палажэннем;
   2. падрыхтоўку і правядзенне адборачных этапаў Конкурсу не пазней за  5 снежня 2024 года;
   3. дастаўку работ на раённы этап Конкурсу да 12 снежня 2024 года.
3. Кантроль за выкананнем загада  ўскласці  на дырэктара дзяржаўнай установы адукацыі “Лельчыцкі раённы цэнтр творчасці дзяцей і моладзі” Лісіцкую Алесю Мікалаеўну.

Выконваючы абавязкі начальніка аддзела,

галоўны спецыяліст                                                          Т.С. Дваракоўская

Лісіцкая 21842                                         

                                                                              Дадатак 1

                                                                            да загада

начальніка аддзела

ПАЛАЖЭННЕ

аб правядзенні раённага этапу Рэспубліканскай выставы-конкурсу дэкаратыўна-прыкладной творчасці “Саматканы цуд”

1. Палажэнне аб правядзенні Рэспубліканскай выставы-конкурсу дэкаратыўна-прыкладной творчасці “Саматканы цуд” (далей - выстава- конкурс) распрацаваны ў адпаведнасці з Інструкцыяй аб парадку правядзення рэспубліканскіх мерапрыемстваў установамі дадатковай адукацыі дзяцей і моладзі з удзелам навучэнцаў, зацверджанай пастановай Міністэрства адукацыі Рэспублікі Беларусь ад 06.07.2011 № 59.
2. Выстава-конкурс праводзіцца Міністэрствам адукацыі Рэспублікі Беларусь ва ўзаемадзеянні з установай адукацыі "Нацыянальны цэнтр мастацкай творчасці дзяцей і моладзі" Міністэрства адукацыі Рэспублікі Беларусь (далей - Нацыянальны цэнтр).

Раённы этап выставы-конкурсу праводзіць дзяржаўная ўстанова

адукацыі “Лельчыцкі раённы цэнтр творчасці дзяцей і моладзі”.

1. Выстава-конкурс праводзіцца з мэтай патрыятычнага і духоўна- маральнага выхавання навучэнцаў праз іх далучэнне да каштоўнасцей беларускай культурнай спадчыны; прыцягнення ўвагі дзяцей і творчай моладзі праз сродкі візуальнага мастацтва да народных мастацкіх рамёстваў, традыцыйнага і сучаснага мастацкага тэкстылю; развіцця дзіцячай творчасці ў галіне дэкаратыўна-прыкладнога мастацтва; выяўлення і падтрымкі юных талентаў; матывацыі педагогаў дадатковай адукацыі да ўдасканалення свайго прафесійнага майстэрства і інавацыйнага пошуку ў галіне дэкаратыўна-прыкладной творчасці.
2. У выставе-конкурсе прымаюць удзел навучэнцы ўстаноў дадатковай адукацыі дзяцей і моладзі, устаноў агульнай сярэдняй адукацыі, у тым ліку тых, у якіх рэалізуюцца факультатыўныя заняткі мастацкай накіраванасці (далей - установы адукацыі). Узроставая катэгорыя ўдзельнікаў конкурсу: ад 6 да 18 гадоў.
3. Выстава-конкурс праводзіцца з кастрычніка 2024 года па сакавік 2025 года ў чатыры этапы з вызначэннем пераможцаў і прызёраў:

першы этап (адборачны) - праводзіцца ва ўстановах адукацыі (кастрычнік-снежань);

другі этап (адборачны) – раённы (снежань);

трэці этап (адборачны) – абласны (студзень 2025);

чацвёрты этап (заключны) - рэспубліканскі - праводзіцца ў лютым 2025 года.

1. На кожным этапе выставы-конкурсу ствараюцца арганізацыйныя камітэты па іх правядзенні (далей - аргкамітэты):

на першым этапе - кіраўніком установы адукацыі;

на другім, трэцім этапах - адпаведнымі структурнымі падраздзяленнямі раённых, абласных  выканаўчых камітэтаў, якія ажыццяўляюць дзяржаўна-ўладныя паўнамоцтвы ў сферы адукацыі;

на заключным этапе - Міністэрствам адукацыі Рэспублікі Беларусь.

Аргкамітэт узначальвае старшыня. Аргкамітэты зацвярджаюць журы адпаведнага этапу. У склад журы ўваходзяць прафесійныя мастакі, мастацтвазнаўцы, выкладчыкі дэкаратыўна-прыкладнога мастацтва.

1. Арганізатары выставы-конкурсу маюць права на апрацоўку персанальных звестак удзельнікаў (публікацыю спісаў пераможцаў, выданне дыпломаў, афіш, буклетаў і г.д.). Прадастаўленне творчых работ на выставу-конкурс азначае аўтаматычную згоду ўдзельніка і яго афіцыйнага прадстаўніка з умовамі выставы-конкурсу і з правам арганізатара на апрацоўку персанальных даных.
2. Да ўдзелу ў раённым этапе выставы-конкурсу ў раённы аргкамітэт (ДУА “Лельчыцкі раённы цэнтр творчасці дзяцей і моладзі”) да 12 снежня 2024 года аргкамітэтам адборачнага этапу неабходна прадставіць:

заяўку на ўдзел у раённым этапе рэспубліканскай выставы- конкурсу (дадатак 1 да палажэння);

выпіску з пратакола рашэння аргкамітэту па выніках адборачнага этапу выставы-конкурсу;

інфармацыйныя матэрыялы конкурсу на беларускай мове (каталожныя дадзеныя, заяўка) па электроннай пошце lelrctdim1@lelchitsy.gomel-region.by з паметкай "Саматканы цуд";

індывідуальныя і калектыўныя работы.

Даведкі па тэл.: 8(02356) 2 21 58.

1. На выставу-конкурс прымаюцца індывідуальныя і калектыўныя работы, розныя па тэматыцы, кампазіцыі і тэхніцы выканання, традыцыйнага і сучаснага напрамку: ткацтва; вышыўка; народныя лялькі, лялькі ў нацыянальным строі; беларускі традыцыйны рэгіянальны касцюм, яго элементы і інтэрпрэтацыі; лямец; тэкстыльная аўтарская лялька; тэкстыльны арт-аб'ект (аб'ёмныя абстрактныя работы).

На зваротным баку кожнай работы абавязкова размяшчаюцца каталожныя дадзеныя, дзе ўказваецца назва работы; прозвішча, імя і ўзрост аўтара; назва аб'яднання па інтарэсах; прозвішча, імя, імя па бацьку педагога дадатковай адукацыі; поўная назва ўстановы (гл. дадатак 1).

Работы павінны быць творчымі і арыгінальнымі ў тэматычным плане, у эксперыментаванні з матэрыялам, мець яркае і выразнае раскрыццё вобразаў; выкананы акуратна, згодна з тэхналогіямі, у адпаведнасці з кампазіцыйнымі асаблівасцямі.

1. Выстава-конкурс праводзіцца ў наступных намінацыях: "Вышыўка",

"Ткацтва",

"Габелен",

"Лямец",

"Вязанне",

"Традыцыйная лялька",

"Сучасная лялька",

"Нацыянальны касцюм",

"Тэкстыльны каллаж",

 "Арт-аб'ект".

Пераможцы і прызёры выставы-конкурсу вызначаюцца ў трох узроставых катэгорыях: 6-9 гадоў, 10-13 гадоў, 14-18 гадоў.

1. Па выніках работы журы раённага этапу выставы-конкурсу вызначаюцца пераможцы і прызёры ў адпаведнасці з намінацыямі і ўзроставымі катэгорыямі ўдзельнікаў і ўзнагароджваюцца дыпломамі I, II, III ступені аддзела адукацыі Лельчыцкага райвыканкама.
2. Работы ацэньваюцца ў адпаведнасці з крытэрыямі згодна з дадаткам 2 да палажэння.

Журы пакідае за сабой права на вызначэнне колькасці прызавых месцаў у намінацыях (колькасць прызавых месцаў можа быць павялічана або зменшана).

1. Работы пераможцаў раённага этапу выставы-конкурсу будуць накіраваны ў г. Гомель да ўдзелу ў абласным этапе.
2. Выдаткі па дастаўцы экспанатаў на выставу-конкурс, камандзіровачныя выдаткі асоб нясуць арганізацыі, якія накіроўваюць прадстаўнікоў устаноў адукацыі для ўдзелу ў выставе-конкурсе.

                                                                                               Дадатак 1

  да палажэння

Заяўка

да ўдзелу ў раённым этапе выставы-конкурса дэкаратыўна-прыкладной творчасці “Саматканы цуд”

Дадатак 2

да палажэння

Крытэрыі ацэнкі конкурсных работ Рэспубліканскай выставы-конкурсу дэкаратыўна-прыкладной творчасці “Саматканы цуд”

                                                            Дадатак 2

                                                           да загада

начальніка аддзела

Склад аргкамітэта раённага этапу рэспубліканскага конкурсу дэкаратыуна-прыкладной творчасці “Саматканы цуд”

Штукар А.У. –   метадыст дзяржаўнай установы “Лельчыцкі

                           раённы вучэбна-метадычны камітэт”.

Лісіцкая А.М. – дырэктар дзяржаўнай установы адукацыі

                       “Лельчыцкі раённы цэнтр творчасці дзяцей і

                         моладзі”.

Трошка Т.М. –  намеснік дырэктара па вучэбна-выхаваўчай рабоце

                         дзяржаўнай установы адукацыі

                       “Лельчыцкі раённы цэнтр творчасці дзяцей і

                         моладзі”.

Ханчыч А.Р. – метадыст дзяржаўнай установы адукацыі

                       “Лельчыцкі раённы цэнтр творчасці дзяцей і

                         моладзі”.